jari bag-o “PINAKA-PUNGKAWITIR”.. na dunggan ko raman jaon sa bata didto sa magasang kay naka kita man kuno sija nan pugad sa pinaka-pungkawitir nan santol..

aw oo nakadumdom sab ako sa jaon na sulti. ok salamat kantilang, idugang ko jaon.

Inin mahilajo ta sa taglubngan nan at pusod, bisan ono na tabitabi bahin sa Cantilan, amo ra nan kais, makapalami sa tuba nan at panginabuhi. Mga onomon pa ka doyom sugod nan paghibagat ko hangtod koman, ya ko gajod hikalimti pag-abri inin imo mga sinuyat bahin, bisan ala-una nan kaadlawon. Sa am kapanahonan, lain an mga manunuyay, kay iton magsugod pagkilaw anay, tapos pirik-pirik dajon…yay mahuman kay kabayong ra man, gawas manharana. Hanoon, ya may ‘pyuter sa una. Gikan sa kinailadman nan ak kinabuhi, salamat karajaw na jaoy Cantilangnon na parehas dimo. Ipadajon ini, garbo kaw nan Cantilan kay ya kaw magduhaduha pag-kinantilang sa tibook kalibotan. Magpadajon gajod ako pagsunod nan ini. Basin jaoy ak mahilunod, paglaong lam!

jazz may ak taas na suyat kahapon, ya man lagi mahibutang? uman tungod offline? kausik.

Pastilan isab pag kalayom na, nan ini na kinantilangnon,mahigarbo gajod nato ini na syte bisan hae pa sila na doyho nan kalibutan, basta kantilangnon.Salamat gajod na naka huna huna kaw mag himo nan ini na syte, kay diri sa iban na lugar an imo syte ray tag huyatan sa mga notesya na bag o labi na kon party gajod sa ato, man hitabo….mag malamposon an imo tag trabaho…

Pista dijo tanan! ay-ay an mga bas-oy sanan mga balbakuwa magkalata man. pagkarajaw gajod labi na kon desperas pa, an imo huna-huna perme magkalibot isahay di na nimo hisabtan kon unoy im gusto himoon sa kahamok na karajawan na mapili nan jaon na duyom. Primero manihapon anay tapos ingkod kadali samtang tagay-tagay nan tanduay o di ba red horse, isahay madungan amoy tseser an red horse. tapos kon puya-puya na mokadto sa plaza magpacute, molabay ra kibale, mosuyod sa vidokehan aja ra sab silib tapos mokadto sa peryahan mopusta nan ginagmay kay basin makadaug pero perme man pelde. Tapos molibot sa x-pats inom kadali, mobalik na sab sa plaza moingkod pacute na sab. Tapos maniid taraw kon unoy mga salida pero di na makasuyod kay puno na. mga 10 minutos ra Di na sab mahimutang motindog na sab, balikon an tag-agihan, videoke, peryahan, xpats. Amo ra jaon an mahitabo pero an sigurado na ending BAYONG…. na hala Tagay dakan kay ya may gihap pasingdan ani at istorya… hehehehe

hehehe poy ak rakan tag copy-paste ini m message gikan sa ak inbox. ugsa an date kuman pa na adlaw.

auntie glo para sa at ini mga cantilangnons sanan carcanmadcarlanons sab. salamat utro.

arang nako na katawa pag basa sa imo blog. i hope you don’t mind me lifting some stuff here. kahinumdum pa ako sa mga sinultihan nan ako lolos and lolas sanan mga kalumunan did-on sa cantilan. i grew up in surigao city and moved to cebu city but i vividly remember spending “pista minatay” days in cantilan, riding my uncle’s jeep cruising the rugged terrain of “nubinta”. arang kabibo gajud. those were the best years of my childhood. thank you for a wonderful and very entertaining blog. padajon an tagay loy!

basin naka bisita sab kamo sa ako account nan youtube. sa ak tagpost na kanta ni zandro na surigaonon, may nag comment na taga lain na lugar…..di na nijo mabasa kay tag delete ko na, sa ak pagtan-aw aja ka suya adto sa ija na dunggan na kanta, inday sab kun bisaja ra sija na jadto sa lajo na lugar..kay an ija comment aja man magtamay sa sinultihan nato..ugsa,di nat gajud ikalimod ini ato tag gikanan na sinultihan..

sa pagka kuman ra lamang, bagan mag sakit jaon ako talinga maka dungog nan taga cantilan ra tapos na tapnan na an sinultihan kun diin sila gikan..sa friendster ko bitaw aja ko pag supha jaon mag comment na may sagol na lain..ugsa marajaw ini na anhi na site nato madasmag in ato sinultihan na way ka pareha…

pa-apas ra:

uman matud naka bantay ra ako sa ako lola kun mag suyat sija lain man an ija mga spelling usahay sa iban na words na ato mabasa kuman..90 years na ak lola pero kalooy sa diyos maka daug pa mag buhat nan isa ka balde na tubig sanan tunga sa sako na humay.

an ija spelling nan:
“kun” nahimo nan - (”con”)
“ako” - (”aco”)

sanan hamok pa..
inday kun diin ini sija pero amo man kuno jaon an kinaraan gajud..sa cantilan ba jaon nag gikan?

@hannah, welcome baja sa at blog sanan ok ra yay problema jaon, pwede ra idownload mga retratro sanan iban pa. at ini!

@libaongon, ya galing ak kabantay nan jadto na comment, another piece of insecurity siguro. balitaw jaoy iban aja ra kakadto sa manila isa ka buyan, pag-uli dires at, tagalig na. hehehe

laong pa ni FGO (sa ija libro) na an iban kuno na sulti gikan pa sa mga Katsila, ugsa an ispeling na gamit sa una amo jaon. kabantay kaw mga sulti kinatsila, mga casa, cono… laong ko pa, tungod siguro sa mga kabag-uhan kuman, mabutang man o uno pa, na-utro an mga sulti, labi na an mga ispeling. amoba? hehehe

najo na -hunong na, stop. mahitakop nim sa at mga pamatbaton. ak ini himbatian nan
agosto 18, sabado, sa pistapista nan mga cantilangnon didto sa kilid nan dagat sa mission bay park, san diego. an kuyang: tambajan! pero an kabibo, omay pista! may namuyaw nan kagang sanan lipot-lipot didto sa mga bato, may nagpinista nan balibol, an iban nagdamgo nan kakaraanan, nan ya pa kasemento an mga karsada. hay!

ok karajaw baja mano. uman pwede ta makapangajo nan retrato nan mga karajawan nijo diton? ak tana ibutang sab dire sa blog, kon ok ra?

nagplano sab ako maghimo nan webportal nato mga cantilangnons aside sa ini na blog.

uno pay pasabot nan “lagtab?” “bayojot”? si uncle alben hibayo ini..hehe..

pwede sab siguro manukod ta dinhi nan mga pagkaon na sa ato ra kit-e. example ko:

“tipono”- pamilya jaon nan tipay pero mas dagko ija unod, itom an ija color..sa kahamok na ako nakadtoan lugar sa cantilan ko pa gajud jaon nakaon makuha sa suba nan magasang sanan tapa aside sa “tyaba”..

“tatud”-pastilan da best gajud ini na pagkaon labi na jaon kuha sa suba nan macapagal bridge diritso sa veneer.

“tamilok”-ika duha sab ini na maka dapay nan tapad an kalami, hayang na sili dajun.

“manigoy”-sa kilid nan suba sa likod nan munisipyo gani, hamok ini, paksiwon man ini.

mahamok pa na ngayan2x sa mga pagkaon sa ato na kun aja tukda sa iban na lugar paka pangutana gajud uno jaon na pagkaon? diba? hehe……..

iton sila na mga pagkaon e sawsaw ra iton sa “HAYANGERS” na suka may sili, tapos “TIGNAWERS” na coke..hampan magbaroto ra kuhaon sa suba na an suga pintada ka “PASOER” kay tumay alas 12 naman nan paniodto..mo higad ra sa pinaka-”KILIDER” nan suba,mo silong sa pinaka-”TAYOMER” sa tungod nan pinaka-”TAASER” sanan “DAKOER” na kahoy..presko2x na magpahangin didon sa tungod..makit-an mo an pinaka-”PUNGKAWITIR” nan kahoy jaoy siwit nag kanta2x..

basta cantilangnon, jaoy gajud ER or IR sa last..haha!!! lingaw2x ra lam ini..

jass, jaoy ak suggestion sa imo, basin puede nimo picturan an mga kalamboan diton sa lungsod, jaon ba mga project nan munisipyo. syempre an jaon ya pa kahimo. labi na mga libaongon na dayan kay an ak pag-uli diton grabe man an dayan kayaot na. sa tinood sakit man dawaton pero di na kon hinlo tan-awon an cantilan! hilabi na jaon dayan sa Orillaneda jaon pasingod sa embarkadero, grabe na kayaot inday kon na semento na. Bisan uno na mga kalamboan diton, kon may ngani imo oras maniid kaw nan session ngaton, optional lam gud kon ganahan kaw. hehe pagkahamok ko na gajod na hangjo, pero hibayo kaw da best karajaw jaon kay makuha mo an mga yangtiguts, basin ganahan na sila mag-online, hehe…Salamat daan! naghamok na an imo mga mamisitahay puede na kaw magpa-advertise!

Jamat kaw patete! hinaut di kaw hiligsan nan PILODER! hehehe

hehe, GRIDIR gajud kay lata man sanan PISON..”LATAERS” gajud kun aja ka ligis kay arang ka “BUG-ATERS” gud jaon na trak labi na “DAMTRAK” na may karga na arang ka “PINOHER” na buhangin gikan sa carac-an river, arang ka “LAJOER” an tagkuhan noh? min lajo na ako sa topic noh? haha…”KAHAWOJER” na anhi sanan “KASAKITER” sa ako alima kay arang ka “GAHIER” ini keyboard na ak taggamit, “KARAANIR” naman bagan ini….ayay….

@zandro: jaoy ak tagsugdan na blog poy, tan-awa ini http://tilangnet.co.nr dabo pa karajaw ak mga plano himuon, isa na jaon. oras lam gajud an kuyang, sige lam kayahon ko ra. para sa at ini tanan. hehehe

@libaongon: sige lam. ak ra jaon ipandugang sanan ibutang. hehehe

cantilangnons kumbati!!!

ajaw matud kalimti pagbotar ini na blog para sa Filipino Blog of the Week dinhi:

http://salaswildthoughts.blogspot.com/

pakilaong rakan sab an kilaya nijo na cantilangnon sanan carcanmadlanon.

salamat daan! ato ini!

ok! nagbotar nako nan jadto una. Sige kay botaran ta na isab pag-utro! salamt sa info bahin sa kalamboan. Ayos!

ako na tag tan-aw jass, gwapo na blog jaon kay bisan sa lajo an cantilangnon mak-inter-act did-on. sige kay mag-invite ako. salamat.