The people of Cantilan are called Cantilangnons and their dialect is called Cantelangnon (part of Surigaonon dialect). It belongs to an Austronesian language of the Philippine type spoken by about several thousand people. With lexical similarity of 82% with Dibabawon Manobo, 81% with Agusan Manobo, 69% with Butuanon.
This will be the avenue of my ramblings as Cantilangnon!
( Free translation, just email me. :) )
Home » Post Item » Miaging Semana
Miaging Semana
September 20, 2007Marajaw na adlaw sa ijo hurot!
Kumusta naman? Pasensya gajud kuman pa nak ma-update an blog, nagbinuang man gud an network nan ini na blog service (i.ph), di ak makasuyod sa blog, isahay ma-access pero arang kahinay. Bagan kuman pa nag-arang-arang an connection. Ugsa lastweek, naningkamot rakan ako pangampanya para sa Filipino Blog of the Week (#73). Kalooy sa Dios, nakadaug intawon (tan-awa an badge sa sidebar hehehe). Salamat matud sa suporta.
Ak rakan sumadahon an mga panhitabo nan miaging mga adlaw, pinaagi sa mga retrato sa ubos, sanan gamay na pamatbat. hehehe
Nan isa na adlaw, panyange ko, nakapalit ak banisel, gikan sa Langcogue kuno adto. Nakahuna-huna dajon ak na bagan kalami gat-an. Deretso dajon ak palit nijog, sa may kilid balitaw nan tyangehan, tagpakagud, tagkuha an gata. Tagluto ko dajon na binutangan nan silikot (taas na sili). Na lami-lami na, tanhuyasan sinopsop sanan hinigop nan sabaw.
Human panihapon nam, taghagad ak ni Wewe (bro. ni mrs.) mangadto sa Madrid kay mobisita sa ila W's Pizza (sanga), nangiban sab sila Neneng sanan Shiela. Didto, inum-inom gamay sanan kaon pizza.
Hikariyan ta naman, pista man matud nan ika duha na Patron Virgen de los Desamparado sa Madrid nan Domingo, Septembre 16. Didto kami nandesperas, nanihapon sa tagsa nan ak misis, nakahigop gihapon nan bas-oy, hehehe Human panihapon nanan-aw nan Yugyugan sa Kapistahan sa plaza. Dabo tawo, mananaway. Tsk sayang lagi ya nak madaya an ak digicam, piktyur-piktyur tana dajon, butang dinhi.
Nan kaina sa hapon, hinlabjan ko jaon retrato sa taas. Hapit naman baja mahuman an pagsemento sa Ortega Street, atbang balitaw sa simbahan na dayan. Arang-arang da kay tagsemento na, ok sab kon tanan dayan na amora "sungkaan" sementohon na sab. hehehe
Kuman na adlaw, daboay sab nahitabo sanan nadawat nak, nan gikan ko sa Office of the Mayor (may tujo ra kan Mayora), tag-agihan ko an registered mail, nakadawat nasab ako nan mga CDs na Ubuntu Linux, libre ra jaon sija. Paggawas ko kaina sa iskuylahan, tagduhoy sa ak nan guardya an IT Korea Journal, libre gihapon. Pag-abot ko sa bayay, tagduhoy ni misis an suyat gikan sa ACM (Association for Computing Machinery). Nagdungan sab an tuyo.
Sige, dinhi rakan anay kutob kay masinkahuyog na an ak mata, tagtuyog nako. Na, natibo gajud an ak post amo? hehehe Sa utro puhon nasab.
Previous Comments
ayay kalami nan kinhason , labi na an pizza, ayay tagsemento na an sa taas nan libre na libro! ok na? tibo sab an comment! hehehe
Posted by Zandro at September 20, 2007, 5:43 pmKalami gud ana. Lingaw diay kaayo ka adtong miaging semana, no?
Maayo ka pa da! Daghan kasuruyan.
Ugma makaanha ko diha sa inyo, isuroy nya ko, ha? 
heheehe…kalami sa mga picture makamingaw
Posted by waya lam at September 26, 2007, 6:30 am
una ko bay!..sosnaay kinason sa taas..among silingan kong mouli sa ila magdala aning kinason og sinaku gyud…yumyum…add t linkies…need to update my bisdak family.
Posted by lutchi at September 20, 2007, 8:28 am