The people of Cantilan are called Cantilangnons and their dialect is called Cantelangnon (part of Surigaonon dialect). It belongs to an Austronesian language of the Philippine type spoken by about several thousand people. With lexical similarity of 82% with Dibabawon Manobo, 81% with Agusan Manobo, 69% with Butuanon.
This will be the avenue of my ramblings as Cantilangnon!
( Free translation, just email me. :) )
Home » Post Item » Pagsulong
Pagsulong
September 23, 2007Nadisturbo an kamingaw sa lungsod kaina human paniudto sa "pag-atake nan NPA" sa istasyon nan pulis.
Kaina, aja nako padad-i nan SMS nan ako maguyang na "nag gyera" kuno sa munisipyo, may "nagpinusilay". Tagkuyba ak dajon, kay duol raman an ila bayay sa munisipyo, sanan uno kahay hinungdan nan jadto. Didto tuho kami naniudto sa baybay, ugsa balita rakay amo. Sa sunod na text, mga "NPA" kuno, tagsulong an istasyon nan pulis, may mga fliers tanhatag. Bagan kaulion ak dajon kaina, makibalita unoy ray nahitabo. Yak anay tugoti nila na mokari sa lungsod kay basin delikado pa kuno.
Pagkataud-taud, panguli nam, deretso dajon ak sa munisipyo daya an ak digicam. Na punto kadabo na tawo, pundok-pundok, amora may artista. Lain-lain an "channel", an bersyon nan istorya, inday hain ak mo"tune in" hehehe, huna-huna ko mamiktyur rakan ak anay. Sa ubos mga piktyurs, jaoy pa sab dire.
Amoy dajon jaon ak hinkitan pag-abot ko, punto na bildo sa ubos. Jaon sa waya, bintana sa taas nan istasyon, jaon sa tuo sa COMELEC office, tupad nan istasyon.
Sa suyod nan istasyon, nagwagit an butang, nagkanat an tubig nan ila dispenser, suyod-gawas an mga tawo, mabata, tiguyang.
May man mga "leaflets" tanhatag, amoy tamasa nan mga tawo sa plaza, pero padajon gihap an paninda ni mana.
Pila ka oras minlabay, mibalik an tagsakjan na trak sanan an van. Kit-an ko an driver, nanim-as, kalaong kuno nija "mapatay" na sija, kalooy isab.
Taud-taud sab noabot si Gov. Pimentel, may iban na taga RPMG.
Human nak pamiktyur, namati ak anay sa nagdapog, dabo naman na bersyon. Pero bagan nakuha ko na unoy hinungdan, an ila mensahe na tagpaabot. Sa leaflets na tanhatag, may mga pipila ka rason uno ila jadto taghimo. May mga pulis apil sa lista, an iban about na sa pangoberno. Kalooy sa Diyos isab hino ya dabdabi an istasyon sanan patja an nagbantay na pulis. Tagtambajan pa gan kuno nan isa kamembro nan "NPA" an samaran na pulis.
Pangutana ra, "Umay at leksyon na makuha sa ini na panhitabo?"
Hinaut unta amo na ini an pinakaulahi na nahitabo sa at Cantilan.
Previous Comments
aw bisag asa karon nga lugar kuyaw man gihapon, samot nag nakaguwa na ila bossing, si Joma, pamalos man siguro ni nila…
Posted by karaykay at September 24, 2007, 6:37 pmoi kuyaw jud ana bay, wahhh hopefully way daghan nga nasamaran na abitaw jud ni uban npa no di maghunahuna naa nyay masakita. wahhh
Posted by irel at September 24, 2007, 10:24 pmmarjaw na morning! an pag atake nan NPA nan ato police station nan domingo, isa lamang ka reaction kun uno na kadako an problema nan ato lungsod na tagpasagdan nan present administration under MAYOR GUARDO, ceguro gusto ni mayor na adisir matapos an ija term, hinumduman cja na cja an PINAKA KA 1st MAYOR sa CANTILAN, na tag atake an police station, tag TULIS ME an ija MUNICIPAL TREASURER, bcin pagkatapos nan ija term mag matag morning ta mga cantlangnon na an ato lungsod mag bajad na nan utang nan municipyo tungod jaon ila project sa SIPANGPANG HYDRO POWER, MAG MATA TANA!
Posted by concerned cantilangnon at September 25, 2007, 2:43 pmisa ray pasabot, hamok na mga binuang na sa cantilan. Ya ta lamang kahibayo pero hamok baja mga underground inin mga pulis nato! sakto ra dakan mahigmata sanan mahunong an mga binuang! ugsa man magbantay ta na!
Posted by angko-ay at September 25, 2007, 3:20 pmto concerned cantilangnon. ka saba mo!!
Posted by aldrin at September 25, 2007, 4:10 pmit’s good news that no one is seriously hurt. this might be a wake up call and perhaps including the neighboring towns to stop police brutally, corrupt politicians, prostitution, drug trafficking and many more problems that this area is facing today. it is unfortunate that an outside group has to come to “shake things” up.there’s enough people who still believe that Cantilangnons are people with good sense of values. DON’T LET THESE TOWN BULLIES RULE! don’t be afraid. (generally speaking, an ma nga NPA dili man hilabot sa ma nga marajaw na tawo.)
Posted by may gihapon pag-asa at September 25, 2007, 11:59 pmHala noh kahadlok ana dah!Kahinumdom ko sauna sa Lianga pa mi nagpuyo kabalo man tingali ka ana asa na dapita agianan mana paingun sa Tandag, sa diatagon kung kabalo ka ana,sa bata pako nag gyera sad to mugawas unta ko kay natingala ko nga saba man sa gawas pero maayo nalang gibira ko pasulod sa akong tiya kay nanago mi sa ilawom sa lamesa tawn mao gyud to akong nahinumduman.
Posted by Darlene at September 26, 2007, 9:12 amto aldrin! sola ka lang, komentaryo lang ni ako personal opinyon ba……… pero tinuod.
an ma alingit mag ka wrinkles ra.
peace!
Posted by concernedcantilangnon at September 26, 2007, 4:21 pmiton man gajud ton mga tinalatala nan mga pulis, igu pa dila, pagkasipog gajud nan iton, tinoud man sab iton mga tan-laong nan mga NPA, haman kitahay sila mu-atake kun bakak bakak ra lam, ton iban ngan na pulis, bangag p mo-duty. pagkasipog lam gajud sa isa ka-cantilangnon ini na panhitabu, sukad sukad ya gajud dunggi an cantilan nan ini na gubot, kuman ra gajud. ay ay.
Posted by taga-ilaja at September 29, 2007, 12:01 amkorek..taga-ilaja..amo gjud pakasipog mga pulis sa cantilan…sakto dakan ma liksion
Posted by taga kanto at September 29, 2007, 2:38 amay2 uno na anhi? imbis tanhambog ko pa tun ato cantilan eton na..aton nay mga sulong2! kun way nusulong na mga NPA di sab aksyonan to mga kalaki nan mga abusado na mga pulis! uno na? sakto ra gazd na may nusulong dakan makita gazd to katag nan mga pulis! pero despite sa nahitabo..im still PROUD to be a CANTILANGNON!!
Posted by taga-higad at September 29, 2007, 11:57 amhi! congrats for winning the hall of fame! sorry di man kita naiboto kasi nasira ang pc ko non…waaaahhhh…
Posted by allinkorea at September 30, 2007, 1:40 amamo, korek kayo! kinahanglan bantayan na ang mga lihok ng pulis lalo na yung nasa listahan, nakakahiya sa kasipog talaga itong mga pulis nato! may mga ginagawa palang binu-ang! dapat sa mga pulis na ito ipa pulis! hahahahahaha, amo ra!
Posted by tag-log at September 30, 2007, 1:47 amsa tunga na nan lungsod tag-atake gihapon.. sa ato pa wayay gajud malig-on na police foundation sa ato ay ay lam…. maski ulahi na reaction lam.. laong pa nan nagcomment sa taas proud cantilangnon gihap ako maski magkauno-uno..
Posted by nilabay-ra at October 2, 2007, 12:41 pm
Kuyaw diay gihapon na inyong lugar diha hangtod karon?
Posted by dodong flores at September 24, 2007, 5:57 pmAbi nako ug dili na active ang mga NPA karon