The people of Cantilan are called Cantilangnons and their dialect is called Cantelangnon (part of Surigaonon dialect). It belongs to an Austronesian language of the Philippine type spoken by about several thousand people. With lexical similarity of 82% with Dibabawon Manobo, 81% with Agusan Manobo, 69% with Butuanon.
This will be the avenue of my ramblings as Cantilangnon!
( Free translation, just email me. :) )
Home » Post Item » Pagboto sanan pamasbas
Pagboto sanan pamasbas
October 30, 2007Sajo kami ni Neng nangadto sa Pilot (CPS) para mobotar para sa Barangay sanan SK eleksyon, tag-iban nam si Linvs. Gamay pay tawo pag-abot nam, deretso kami dajon sa isigpresento namo.
Taghanap ko anay an sa ako kay bagan lain naman na room sa una na eleksyon, pero dali ko ra nakit-an ak ngayan, botar ak dajon.
Samtang naghuyat-huyat kan Neng, namiktyur ak anay kay, of course, ibutang nasab sa blog. hehe Human nija boto, nanguli kami. Pagkahapon, nokadto kami ni Linvs sa East (CECES), naglibot-libot tanaw nan pagbilang nan mga boto. Dali ra an iban nahuman pagbilang, kay gamay ra siguro an botanti sa jadto na presento.
Kada presento may "watcher", jaon sa piktyur an pinakabata siguro na watcher. hehe Tagkopya nija an tanan boto nan ija kandidato. Pagbalik ko sa Pilot, may pa gihapon nagbilang, mga alas siete nan duyom na siguro adto. Human nila bilang, tanhatud an "election returns" sa opis nan COMELEC. Unta nabilang pagdajaw an mga boto, para way gubot.
Kaina hapon na gajud ak nakapamasbas nan sagbot sa lubong ni Papa. Buyos ak nan grass cutter, pag-abot ko sa sementeryo ampa nak hibaye habol baja, marajaw gani may sa silingan, tagpabuyos ako. Alas sais nan duyom nak nahuman pamasbas, sindihan ko dajon ak kandila na daya. Silom kan Popo Kid (tatay ni mama) nasab kami mamasbas sanan mamintal.
May na mga suga, tindahan sa sementeryo, may na gani mga bayong, naglalis uno tagpagawas si Erap. Gikan siguro jadto sila sa videokehan, kay may na sab. hehehe Kabibo lam, samot na kuman pista minatay.
Happy Halloween sab baja sa ijo!
Previous Comments
popoy>>ehehe, hibayo na ako uno secret rakan, nabayong kaw galing hampan didto ra naka tuyog sa pantheon na buslot.haha..
bitaw, ajaw kalimti pamiktyur nan mga tuyog sa ibabaw nan lubnganan silom duyom petsa uno
Posted by kantilang at October 31, 2007, 3:10 pmkantilang>>hehehe hamok gajod panhitabo nan jaon na selebrasyon! hamok secrets! haha
Posted by popoy at November 1, 2007, 3:37 amisa na nahitabo kay an skimboarding competition poy, sa balwarte. sayang lam kay yak makapamiktyur. hehehe
Posted by cantilangnon at November 2, 2007, 8:45 pmamo b? marajaw kay may baja competition! dagko man did-on an bayod, pero dungan kon mo buto ugsa bagan dili puede nan standard surfing, inday kon sajop ako.
Posted by popoy at November 3, 2007, 5:17 pmkun sa baluarte an skimboarding bagan gwapo sba jaon did-on na baybajon sa skimming o sa jaon atbang sa may hunasan gani cota beach ba…sa may sta.teresita sab dapit dagko na bayod di mo balor nan surfing kay dungan mo bunay an bayod
Posted by kantilang at November 3, 2007, 9:06 pm
Ay dugay-dugay na mak ya makaattend nan pista minatay. mga 10 years na man. pero an ako last di nak hikalimtan. secret rakan. hehehe….
Posted by popoy at October 31, 2007, 1:06 pm