The people of Cantilan are called Cantilangnons and their dialect is called Cantelangnon (part of Surigaonon dialect). It belongs to an Austronesian language of the Philippine type spoken by about several thousand people. With lexical similarity of 82% with Dibabawon Manobo, 81% with Agusan Manobo, 69% with Butuanon.
This will be the avenue of my ramblings as Cantilangnon!
( Free translation, just email me. :) )
Home » Post Item » Nan pagEarth Day 2008
Nan pagEarth Day 2008
April 24, 2008Buenas! Musta naman, umay lingaw?
Naulahi naman ini, pero isuyat ko lam. Nan petsa baynte-dos, buyan nan Abril, nagselebrar an Cantilan (tag-apilan nan pipila ka mga ahensya sa goberno, sektors sanan publiko) nan Earth Day. Nagmisa anay alas kwatro sa hapon, human may parade. Mga piktyurs sa ubos.
Duol ra an parade, di kon parehas sa pesta libot gajud sa lungsod; laong pa sa 3Rs, "REDUCE" ,pagamay tana sa tijan. hehehe
Human parade, deretso sa plaza. Nadugay pagsugod an programa kay punder an suga sa kiosko. Laong pa nan isa, "padajon rakan unta way suga, para magconserve nan koryente, Earth Day balitaw" hehehe Nakay bagan may na nangisug, uno ya pa mosiga. Nadungan sa mga "speakers", kay naka-ON man an microphone.
Pero kalooy sa Dios nosiga ra. May programa ug uban pa. Si For. Collantes matud jaon sa tuo na piktyur, OIC CENR Officer nan DENR, Cantilan.
May "Signing of Pledge of Commitment for Mother Earth: Protection and Preservation of Watershed", tag-unahan pagperma ni Mayora…
…tagsundan nan iban.
Ya man ak kaperma nan duyom, pagkabuntag taghanap ko an permahanan sa plaza kay moperma tana ako, ya nak hikit-i. Pero sige lam, suyat raman jaon, an marajaw gajud jaon at HIMUON an at "pagpanalipod sanan pag-amping sa Kinaiyahan, Kinabuhi sanan Kaugmaon sa Katawhan."
Previous Comments
oi yops musta? long time no see man, but now sinaw…hehehe sa utro na mga panahon sinaw na at bukid tungod sa mina.
Posted by cantilangnon at April 26, 2008, 5:50 pmamo gajod dapat dili ta mosugot na magpamina.mato pa nila magkagubot gajod bahala magtinigbasay magkaduyon mag baid ra magpahuway..hehe bitaw ato lam ampingan an ato lugar.
Posted by arnaldo luces at October 28, 2008, 11:28 pm
jaon Earth day an pasabot “Adlaw nan Lupa” hehe… dili kuno ipa-mina!
Posted by yops at April 26, 2008, 5:11 pm