The people of Cantilan are called Cantilangnons and their dialect is called Cantelangnon (part of Surigaonon dialect). It belongs to an Austronesian language of the Philippine type spoken by about several thousand people. With lexical similarity of 82% with Dibabawon Manobo, 81% with Agusan Manobo, 69% with Butuanon.
This will be the avenue of my ramblings as Cantilangnon!
( Free translation, just email me. :) )
Home » Post Item » Adlaw
Adlaw
June 12, 2008Ikaduha na nako kuman ka tuig pagpost nan ato Adlaw nan Kaluwasan, an primero deri. Pero bagan dabo namay kalainan, ya nay parade sanan iban pa, magkalipay naman tana dajon si Linvs makakita nan dabo na flag. Hala rakan lam, basta di sija mautro sa pagkamahiligon sa flag.
Hikarian ta naman, nan Lunes nag”batch” matud kami, SSIT HS 1993. May nagbakasyon (gikan sa Canada) na am classmate sa highschool. Didto kami mamahaw sa ila. Human pamahaw, istorya-istorya anay sa mga panhitabo sa kinabuhi human highscool. Jaoy mga retrato sa ubos.
Pagkahapon nan jadto na adlaw, may taglubong sa sementeryo. Dabo-dabo sab mangibanay, nakay gabok-gabok naman lagi an mga poste nan tulay sa Casa, nahitabo ra gajud an dili tana mahitabo, nahugno an tulay. An kapait pa gajud naapil an ak Mama sa pagkahugno, hapit intawon malumos. Marajaw gani iban nija ako mga Auntie, amoy nagtabang sa ija. Tsk tsk tsk
Mga sobra o kuyang singkwenta (50) katawo an naapil, may mga samaran sanan sinawan. Tiaw, amora kuno sila nagsakay nan “ferris wheel” pagkahugno. Nanlutaw intawon an mga tsinelas, adtoy kuno pustiso kuhaon rakan kan Sir Pepe (”…naloko na”).
An ako lam ba pangutana, haman naman baja an mga taxes na tanbajad nan mga Cantilangnon? An “mga kahoy na taghatag” kuno nan Puyat para sa tulay? An ato halangdon na mga Public Servants, uno ramay ijo taghimo? Maghuyat rakan lam ba ta nan adlaw na jaoy nasab mahitabo, adiser ta manlihok?
Dili ini kon aja pagtudlo kanin-o sajop, gusto ra namo mahibayo.
Previous Comments
amo gajud. ya man lam palandunga adto pagkahitabo, kay naagihan pa man nan traysikad, sanan motor.
Posted by cantilangnon at June 12, 2008, 2:58 pmKapungot gajud jaon amo? Mga opisyal na nagpabaya ra…
Posted by Soy at June 12, 2008, 3:33 pmsakto kaw soy, ay-ay nalaman.
Posted by cantilangnon at June 12, 2008, 3:49 pmA-ha! in my opinion, An idajaway nan tulay nagasto na nan eleksyon! Ugsa basin an budget waya na! Isa ra ini sa mga problema, mag expect ta nan mahmok p. Nan an dako na pangutana simay gajod basolon?
Posted by Yopops at June 13, 2008, 12:12 amgrabe, bagan amo pa man ini an tulay na tag gamit nan tag lubong si lola nung early 80s. may black and white photo pa nan ini ngani. ya pa gihapon ka bag-o?!
Posted by lolong at June 13, 2008, 3:59 pm
kakuyba sab. Abo na siguro kon ako na dili kahibayo mulangoy makahibayo rakan siguro pag ahat. Umay sab pagdungan nila pagtabok. dapat single or double line ra…
Posted by The Islander at June 12, 2008, 2:01 pm